رسميا.. هبوط رهيب في أسعار الدهب الفترة المقبلة.. ورطة للناس اللي اشترت بالغالي
فيه حاجتين حصلوا في الكام ساعة الأخيرة هيخلوا أسعار الدهب في مصر يحصل فيها هبوط رهيب الأيام الجاية وكل اللى غامروا واشتروا الدهب الأيام الأخيرة هيقعوا في ورطة كبيرة وهيخسروا كتير من فلوسهم لو فكروا يبيعوا الدهب اللى اشتروه لأن الأسعار متوقع انها تهبط بمبالغ ونسب كبيرة جدا .. فيا ترى ايه اللى حصل ؟ وتأثيراته على بيع وشرا الدهب هتكون ايه؟
امس رامي الدكاني، رئيس البورصة أعلن أنه هيتم عرض أسعار الدهب في البورصة خلال أسبوعين من دلوقتى على أقصى تقدير .
رئيس البورصة قال انه هيتم عرض الأسعار بناء على حجم إنتاج مصفاة الدهب المصرية لكنه أكد ان سوق الذهب في مصر متشابكة وعملية التسعير مش بالسهولة اللى بيتوقعها البعض.
طب الكلام ده معناه ايه؟
الكلام ده معناه انه بعد 15 بالكتير تسعير الدهب في مصر مش هيكون في ايدين ال 15 واحد بتوع سوق الصاغة اللى بيتحكموا في سعر الدهب وبيتلاعبوا في الأسعار زي ما هما عاوزين والسعار هتكون معلنة من خل البورصة المصرية .. وطبعا ده هيساهم في هبوط أسعار الدهب بشكل غير مسبوق عشان سعر الدهب وقتها مش هيكون مربوط بالمضاربة على الدولار في السوق السودا للعملة
طب ازاى البورصة هتحدد سعر جرام الدهب يعنى ايه المعايير اللى هتستند اليها؟
لحد دلوقتى مفيش تصريحات رسمية بتقول ده هيتم ازاى لكن منطقيا البورصة هتعتمد على حاجتين أساسيتين الأولى السعر العالمى للدهب وتانى حاجة السعر الرسمي للدولار في البنوك بالإضافة الى تقدير نسبي لحجم العرض والطلب .. يعنى الجرام هيتباع بالسعر العالمي بسعر الدولار في البنك المركزي مضاف ليه هامش ربحمتعلق بمدى مهعدلات الرعض والطلب
طب هل تجار الدهب هيلتزموا بالأسعار اللى هتعلنها البورصة؟
لسه مش معروف ايه الآلية اللى هيتم التعامل بيها وايه العقوبات اللى هتفرض على تجار الصاغة اللى مش هيلتزظموا بسعر الدهب المعلن في البورصة وازاى كمان البورصة هتحدد معايير العرض والطلب
ومن الحاجات اللى هيكون ليه تأثير على سعر الدهب الفترة الجاية صندوق الاستثمار في الذهب اللى تم امبارح الموافقة على تدشينه .. ودا بالتزامن مع القفزات المتتالية اللي بتحصل في أسعار الذهب في مصر، واللي زاد بنسبة 58% من بداية 2023.
وتقدر تحط فلوسك في صندوق استثمار الدهب وتقدر تبيع أو تشتري حصص ليك في الصندوق حسب رغبتك ودا حايخليك محمي تماماً من التعرض للغش أو أن الدهب يتسرق زي ما بيحصل في حالات البيع والشراء العادية.
وهيتم قريب طرح تقدر تشتريها وتحدد من خلالها= كمية الجرامات اللي عايز تمتلكهاوبعد فترة تقدر تبيع أو تشتري تاني وتحط في الصندوق.. وبنسبة كبيرة قيمة الحد الأدنى للاستثمار في من 25 إلى 50 جرام دهب.
عرض أسعار الدهب في البورصة وتدشين صندوق استثمار في الدهب مع بدء تراجع الدولار في السوق السودا هيكون ليهم تداعيات كبيرة على سوق الدهب في مصر واللى اشترى الفترة الأخيرة هيخسر كتير مع نزول الأسعار الموتقع الفترة الجاية.
