سعر الدولار هيتراجع لـ 30 جنيه.. توقعات متفائلة عن مستقبل الجنيه المصري

كل شوبة بنسمع الدولار هيوصل 36 جنيه لا هيوصل 40 جنيه وكل مؤسسة وكل خبير بيقول رقم من دماغه... رغم ان الدولار فى البنوك مستقر بقاله فترة ... وكمان العملة الأمريكية متوفرة والبنوك بتوفر للمستوردين الكميات اللى محتاجينها.. يعنى على أرض الواقع مفيش عجز او نقص كبير فى الدولار.. وعشان كده النهاردة ظهر تقرير جديد بيحمل توقعات متفائلة عن مستقبل الجنيه المصري.. يا ترى ايه التقرير ده ؟ وإيه التوقعات اللي قالها ؟ ده اللى هنعرفه بعد الفاصل 
 
وكالة "فيتش سوليوشنز" اتوقعت النهاردة فى تقرير ليها ارتفاع سعر الدولار أمام الجنيه لمستويات 33 جنيه خلال فترة قريبة لكن التقرير حمل مفاجأة وأكد ان الدولار سعره هينخفض من جديد قدام الجنيه وهيوصل سعر العملة الامريكية الى 30 جنيه مع نهاية 2023.. وده بالتزامن مع ثبات الجنيه في السوق الرسمية، على الرغم من انخفاضه أمام الدولار بالعقود الآجلة لـ 12 شهرًا إلى مستويات الـ 40 جنيه للدولار الواحد.
وزادت فيتش من توقعاتها للنمو في مصر في الفترة يوليو 2022-الى ونيو 2023 من 3,0% إلى 3,4% بعد ما أصبحت بيانات الناتج المحلي الإجمالي للربع الأول أقوى من توقعات الوكالة.. 
فيتش أرجعت ارتفاع الجنيه إلى مستويات الـ 30 بنهاية العام بعد انخفاضه إلى 33 إلى عدة عوامل أبرزها التقدم السريع في بيع الأصول المملوكة للدولة بحلول النصف التاني  من 2023، وزيادة تدفقات العملات الأجنبية، والتقارب بين سعر الصرف الرسمي ونظيره فى السوق الموازية.

وقالت أن التخوفات من تفاقم الركود في الولايات المتحدة ومنطقة اليورو، هيعيق حدوث انتعاش أقوى في قيمة الجنيه خلال عام 2023.
وأكدت ان الانخفاض المستمر في العملة المحلية بسبب التزام البنك المركزي باتباع سعر صرف مرن، وقالت ان ده  أمر هيستغرق بعض الوقت خوفًا من حدوث تراجع مفرط في قيمة الجنيه .