فيزا المشتريات.. يا ترى اية سلبياتها وأية إيجابياتها؟ نصاااائح مهمة جدا
في ناس كدا كل شوية تسأل عن فيزا المشتريات.. يا ترى هل هي سلبية؟ ولا إيجابية؟ هل هي بتسبب خراب بيوت فعلاً ولا لأ ؟ وازاي نتحكم فيها
بص يا فندم.. أولا.. فيزا المشتريات. دي عبارة عن مبلغ البنك بيسلفهولك.. يعني الفلوس اللي فيها ملك البنك بس تقدر تستخدمها لصالحك.
والفيزا بتطلع بضمان مرتبك والحد الائتماني بيكون كبير لما تكون شغال في شركة كبيرة.. وصغير لما تكون شغاال في شركة صغيرة.. وكمان ممكن تطلع بضمان شهادة أو وديعة.
والفيزا دي تقدر تسدد فيها المبلغ اللي أنت اشتريت بيه من غير فوائد في فترة مدتها ٣٠ يوم.. لكن لو عديت ال ٥٥ يوم.. فنسبة الفايدة هاتفضل تعد ودي بتختلف من بنك للتاني.
ونصيحة برضوا.. لو ماسددتش فلوس الحاجات اللي اشتريتها وفقا للتقسيط بشكل منتظم هاتكع فلوس فوائد كتير.. والحاجة التانية اللي لازم تاخد بالك منها.. هو أنك ماتشتريش اكتر من حاجة وتقسط في اكتر من جهة لأن دا هايشتتك وهايخليك تدفع فلوس اكتر واكتر
