متعاملون: تجار السوق السوداء بدأوا التخلص من الدولار بعد قرار التعويم
لجنة السياسات النقدية في البنك المركزي المصري المصري أمس وجهت ضربة قاضية لتجارة العملة واللي استغلو الأزمة ونقص الدولار في الكام شهر اللي فاتت عشان يلموا الدولارات ويضاربوا بسعرها عشان مكاسب فرق السعر ، ودلوقتي التجار دول نفسهم في مصيبة لأن الدولارات المتخزنة عندهم بقت زي قلتها لأن سعرها في البنك دلوقتي أقل من السعر اللي بيبيعوا بيه في السوق السوداء وعصب عنهم لازم يتخلصوا من الدولار بعد قرارات المركزي القوية واللي حزمت سوق الصرف بحزام من حديد وخلت الدولار علي عينك يا تاجر وحسب العرض والطلب.
ومن النهاردة مفيش سوق سودا للدولار ولا حد هيبيعه بأكتر من سعره لانه موجود بسعره الطبيعي قدام الجنيه وخلاص مفيش تحكم تاني في سعر الصرف من البنك المركزي .
عشان تعرفوا قرار التعويم كان مهم قد ايه ولازم يصدر إن السوق السوداء والتجار والمستغلين قدروا يجمعوا مبالغ ضخمة وباراقام بتوصل لمليارات لما كان فيه أزمة نقص العملة الأمريكية وكانوا سبب من اسباب اضطراب السوق. ودلوقتي المليارات دي هيرجعوها بخسارة للبنوك بردو بعد ما سعرها بقي حقيقي ومفيش طلب عليه في السوق السوداء طالما هنا وهنا السعر واحد ده بالعكس السعر في البنوك هيكون أكبر وامان في نفس الوقت.. عرفتوا ليه تجار العملة مصدومين من قرار التعويم.
يعني اللي معاه دولار لازم يطلعه دلوقتي لأن أسعاره في المجمل هترجع لأن هيكون فيه سيولة ووفرة في العملة الخضراء وبالتالي تخزينه خسارة علي النجار والايام الجاية هتثبت الكلام ده.
