رسالة شكر من أحد عملاء البنك التجارى لكتيبة عمل CIB
وجة عميل بالبنك التجارى الدولى رسالة شكر للبنك لما يبذلة من جهد لخدمة عملائة.
موقع "بانكير" يعرض نص رسالة العميل كما هى دون تغير أو حذف.
"النهارده كنت في فرع CIB الشروق وكان الفرع زحمه جدا نتيجه للانتظار في الخارج وبدأ الناس تزعق وطلبو المدير عشان ما يقفوش في الشمس.
وتابع :بصراحه فوجئت بردود افعال الموظفين من أول فرد الأمن لحد المدير ودي شهادة ربنا موظفين الأمن كانو هاديين وقمه في الأدب والاحترام وكان عندهم ثبات كبير قدام ناس ثايره وبتزعق في وشهم خلاني اتفاجيء ازاي موظف أمن يكون بكفائه كده ووالله كلهم كانو كده.
واستطرد :وبعدين مديرة خدمة العملا طلعت اتكلمت مع الناس بكل شياكه وابتسامه وادب ونقلت كل كراسي الانتظار من الشمس دخلتها جوا المول من الباب الخلفي برده برا البنك لكن بداخل المول في الظل ، كل واحد بيخش في دوره بنظام دخلت الفرع لقيت شاب ظريف اعتقد مدير الويلث كان واقف على كل تيلر بينظم الناس جوا وبيتكلم مع العملا بهدوء ، موقف حصل قدامي مديرة خدمة العملاء لقت عميل كبير في السن وعنده صعوبه في الكلام لقيتها سابت كل اللي في ايديها وراحتله قلتله اتفضل اقعد وفضلت تسمعه بكل ترحيب وسعة صدر بالرغم من انه اخد وقت كبير لكن عاملته بكل ادب وانسانية.
وقال :حصل موقف تاني لما كنت واقف عال ATM بسحب عشان انا شركه لقيت شخص زعق جامد جدا فيه وكان هايشتبك معايا عشان اتأخرت لقيت الموظفين جريو حلو الموقف وطلبو للعميل الأمن بصراحه انا ارفع القبعه لموظفين فرع الشروق وجايز البوست ده يوصلهم يعرفو ان زي ما في يوم زعلت منهم جه يوم اشكرهم عشان انا شوفت منهم تعب ومجهود تحت ضغط عالي من اول فرد الأمن لحد المديرين مكنش فيه اي حد قاعد على كرسي من الموظفين ولا جوا مكتب كله كان واقف يساعد أبطال الفرع اللي مش عارف اسمهم وياريت بالوصف حبايبي في cib يعرفوهم اني بشكرهم مديرة خدمة عملاء لابسه حجاب سبانيش دي تاخد reward بصراحه شابو.
وأضاف : كل موظفين الأمن كانو مبهرين ولحد دلوقتي مستغرب من ادائهم ده بصراحه شخص محترم اوي كان لابس نضاره سودا مدوره اللي كان واقف على التيلر من برا يباشر اعتقد مدير الويلث لابس قميص ابيض وطويل شويه الوصف تعبان شويه بس اكيد زمايلهم هايعرفوهم بلغوهم تحياتي وشكري ليهم.
هاسيب البوست بابليك عشان يوصل.
