في 4 خطوات.. إزاي تاخد قرض سيارة من البنوك
عايز عربية جديدة تشيلك من هموم المواصلات ومش معاك فلوس دلوقتي البنوك المصرية بتقدم تسهيلات كبيرة للحصول على قرض شراء السيارة الجديدة بدون تعقيدات ففي 4 خطوات بسيطة ممكن تحصل على قرض السيارة من البنوك المصرية وتحقق حلم شراء السيارة.
الخطوة الأولي
لو أنت موظف في القطاع الحكومي والخاص لازم يكون معاك شهادة بالمرتب وفي هنا بنوك بتدي قرض السيارة لو كان المرتب بحد أدنى ألف جنيه زي بنكا الأهلى ومصر.
الخطوة الثانية
هتروح البنك وتسأل عن الاوراق المطلوبه للحصول على قرض السيارة وهنا مش هتخرج الاوراق المطلوبه عن صورة من بطاقة الرقم القومي ساريه وبيان مرتبات وإيصال كهرباء أو مياة أو غاز حديث بحد أدني 3 أشهر وحاجة تانية عرض اسعار من معرض سيارات معتمد.
الخطوة الثالثة
البنوك وضعت شرط مش صعب للحصول على قرض السيارة وهو أن لايقل عمر المقترض عن 21 سنة ولا يزيد عن 60 سنة .
الخطوة الرابعة
بعد استيفاء كافة متطلبات الحصول على قرض السيارة هيكون معاك العربية اللي بتحلم بيها وهنا يجب التنويه أنه لازم تكون حريص على سداد الأقساط الشهرية بانتظام حتي لاتقع فريسة سهلة لغرامات التأخير والاي سكور.
