أرخص عربية كهربائية بـ585 ألف جنيه.. مقارنة بين سيتروين Ami وVibe وفيات توبولينو
الأحد 22/نوفمبر/2026 - 04:00 ص
تخيل تشتري عربية كهربائية بأقل من 600 ألف جنيه، تركنها بسهولة في أي مكان، وتتحرك بيها في الشوارع الزحمة.. لكن السؤال الأهم: هل محتاجة رخصة ولا لأ؟
السوق المصري شهد ظهور 3 عربيات كهربائية متناهية الصغر، أولها سيتروين Ami، ودي أرخص واحدة بسعر 585 ألف جنيه، وبتوصل سرعتها لـ45 كيلومتر في الساعة، ومدى قيادتها 75 كيلومتر.
لمشاهدة الفيديو من هنا
أما Vibe فسعرها 680 ألف جنيه، ودي مختلفة لأنها بـ4 مقاعد، ومحرك بقوة 20 حصان، وسرعتها بتوصل لـ70 كيلومتر، ومدى القيادة المعلن 200 كيلومتر.
وفيات توبولينو بتكمل المنافسة بسعر 725 ألف جنيه، ومقعدين وسرعة قصوى 45 كيلومتر في الساعة.
لكن خلي بالك، مش معنى أن العربية صغيرة أو سرعتها محدودة إنها معفاة من الترخيص. قانون المرور بيشترط ترخيص المركبات على الطرق العامة، ولازم تتأكد من موقف كل موديل قبل الشراء.
