حولت فلوس غلط على إنستاباي؟.. خطوات سريعة وقانونية لاسترداد المبلغ

حولت فلوس بالغلط على إنستاباي؟ متقلقش.. فيه خطوات لازم تعملها بسرعة.

أول حاجة، متنفّذش أي تحويل تاني للشخص اللي استلم المبلغ، وحافظ على تفاصيل العملية وإيصال التحويل.

بعد كده تواصل فورًا مع البنك اللي حسابك مربوط بإنستاباي، وبلّغهم إن التحويل تم بالخطأ، وقدم كل بيانات العملية.

ولو التحويل راح لحساب شخص تعرفه، تقدر تتواصل معاه وتطلب منه رد المبلغ، لكن الأفضل يكون التواصل موثق.

أما لو المستلم رفض يرجع الفلوس، أو مش قادر تتواصل معاه، فهنا تقدر تتخذ الإجراءات القانونية من خلال البنك والجهات المختصة، مع الاحتفاظ بإيصال التحويل وكل ما يثبت الواقعة.

والأهم.. متتأخرش في الإبلاغ، ومتديش أي بيانات سرية أو الرقم السري لأي شخص بحجة إنه هيرجع لك فلوسك.