شهادات البنوك بتقدم عوائد لحد 21%.. اعرف أفضل الاختيارات وفلوسك هتجيب كام

لو معاك مبلغ وبتدور على طريقة تحافظ بيها على فلوسك وتحقق منها دخل ثابت، البنوك المصرية لسه بتقدم شهادات ادخار بعوائد ومدد مختلفة.

في البنك الأهلي، الشهادة البلاتينية بعائد متغير شهري 19.5%، ومدة الشهادة 3 سنين، والحد الأدنى للشراء 1000 جنيه ومضاعفاته. وفيه كمان شهادة بعائد متدرج شهري، بيوصل لـ21% في السنة الأولى، و16.25% في السنة التانية، و12% في السنة التالتة.

أما بنك مصر، فشهادة «ابن مصر» بتوصل بعائد السنة الأولى لـ20.5% سنويًا مع صرف شهري حسب نوع الشهادة، ومدتها 3 سنين، والشراء بيبدأ من 500 جنيه. وشهادة «القمة» بتقدم 17.75% شهريًا، أو 17.85% عند الصرف كل 3 شهور.

وفي بنك القاهرة، شهادة «بريمو» بتقدم 18% السنة الأولى، و16% التانية، و14% التالتة، والشراء بيبدأ من 50 ألف جنيه. ولو حطيت 500 ألف، العائد الشهري يبدأ من 7500 جنيه في السنة الأولى.