كيلو الطماطم بـ 50 جنيه.. تفاصيل ارتفاع الأسعار وموعد الانخفاض
الجمعة 04/سبتمبر/2026 - 07:00 ص
سعر الطماطم هيعدي ال 50 جنيه للكيلو.. يا ترى إيه اللي بيحصل في أسعار الطماطم وليه هترجع تغلى تاني تعالوا نعرف ايه الحكاية.
الايام الأخيرة انتشر كلام كتير عن ارتفاع أسعار الطماطم وأنها هتوصل ل40 أو 50 جنيه.
لكن خليني اقولك أن الكلام ده مش أكيد والسوق دلوقتي فيه تضارب كبير في التوقعات بين نقيب الفلاحين وتجار الخضار والفاكهة.
من ناحية نقيب الفلاحين قال إن موجات الحر الشديدة والتغيرات المناخية أثرت على المحصول ودمرت التزهير وده هيقلل المعروض ويرفع السعر لـ 40 جنيه مع بداية أكتوبر.
و على الناحية الثانية شعبة الخضار والفاكهة طمنت الناس ونفت الكلام ده تماما وأكدت إن العروة الصيفية مستمرة والمعروض كتير والأسعار مستقرة بقالها شهرين والتغيرات دي طبيعية جدا مع حركة العرض والطلب.
