الطماطم هتعدي الـ 40 جنيه؟.. أسباب الارتفاع المفاجئ في أسعار الخضروات

كيلو الطماطم هيكون ب40 جنيه.. يا ترى إيه اللي هيحصل لأسعار الطماطم وليه نقيب الفلاحين طلع اتكلم.

نقيب الفلاحين توقع إن سعر كيلو الطماطم هيعدي الـ 40 جنيه مع بداية شهر أكتوبر الجاي والسبب في الارتفاع ده بيعود لموجات الحر الشديدة اللي أثرت على الإنتاج وقللت المعروض في السوق.

ده غير إن التغيرات المناخية سرعت في نهاية عروات وتأخير عروات جديدة وخسائر المزارعين السابقة خلت كتير منهم يقللوا المساحات المزروعة رغم إن مصر بتنتج حوالي 6.5 مليون طن سنويا.

مش بس الطماطم اللي بتواجه مشاكل المحصول السنوي للذرة كمان مهدد.

علشان كدا النقيب طالب الجهات المعنية بالتدخل السريع لدعم الفلاحين وحماية الإنتاج.