مشوار العاصمة بقى أوفر.. خصم 50% على اشتراكات مونوريل شرق النيل

وزارة النقل أعلنت عن نظام اشتراكات مخفضة لمونوريل شرق النيل، بخصم يوصل لـ50%، وده للركاب والموظفين المترددين على العاصمة الجديدة ومناطق شرق القاهرة.

الاشتراكات متاحة أسبوعيًا أو شهريًا أو ربع سنوي، وبتغطي الخط بالكامل وعدد محطاته 22 محطة.

الاشتراك الأسبوعي بيبدأ من 140 جنيه لمنطقة واحدة، ويوصل لـ560 جنيه للخط كامل.

أما الاشتراك الشهري، فبيبدأ من 600 جنيه لمنطقة واحدة، ويوصل لـ2400 جنيه للخط كامل.

وفيه كمان اشتراك ربع سنوي، يبدأ من 1800 جنيه لمنطقة واحدة، ويصل لـ7200 جنيه للخط بالكامل.

والاشتراكات متاحة من شبابيك صرف التذاكر في جميع محطات مونوريل شرق النيل، من استاد القاهرة لحد مدينة العدالة بالعاصمة الجديدة.