مصر عملتها في تنزانيا.. سد بـ2.9 عملاق بمليار دولار في قلب أفريقيا
مصر عملت إنجاز تقيل في قلب أفريقيا.. والمفاجأة إن المشروع ده مش في مصر أصلًا
في تنزانيا، تم افتتاح سد ومحطة "جوليوس نيريري" الكهرومائية، اللي نفذه تحالف مصري من "المقاولون العرب" و"السويدي إليكتريك"، باستثمارات وصلت لحوالي 2.9 مليار دولار.
طب إيه حكاية السد ده؟
ده واحد من أكبر السدود في أفريقيا.. طوله أكتر من كيلومتر، وارتفاعه 131 متر، وورا السد بحيرة تخزين عملاقة سعتها حوالي 34 مليار متر مكعب من المياه.
والقصة مش سد وخلاص..
المحطة فيها 9 توربينات عملاقة، بإجمالي قدرة 2115 ميجاوات، وده خلاها أكبر منشأة لتوليد الكهرباء في تنزانيا.
والأهم إن المشروع شارك فيه حوالي 1700 مهندس وفني مصري، ضمن فريق عمل ضم حوالي 12 ألف عامل، واستغرق تنفيذه نحو 5 سنين.
يعني ببساطة.. خبرة مصرية بتبني مشروع عملاق في أفريقيا بقيمة مليارات الدولارات.
والرسالة هنا مش بس كهرباء وسد..
دي واحدة من أكبر شهادات الثقة في قدرة الشركات المصرية على تنفيذ مشروعات ضخمة خارج مصر.
مصر مش بس بتصدر منتجات.. دلوقتي الخبرة المصرية نفسها بتطلع بره الحدود وتبني مشروعات تقيلة في قلب أفريقيا.
