قبل ما تنقل عداد الكهرباء باسمك.. اوعى تعمل خطوة قبل ما تعرف الأوراق والإجراءات المطلوبة

اشتريت شقة جديدة وعايز تنقل عداد الكهرباء باسمك؟ استنى.. متعملش أي خطوة قبل ما تعرف المطلوب

أول حاجة هتتوجه لشركة توزيع الكهرباء التابعة للعقار، والأصل إن صاحب العداد القديم يحضر بنفسه، ولو مش موجود ينفع بتوكيل رسمي.

هتقدم المستندات المطلوبة، وتملى استمارة تغيير حق الانتفاع بالعداد، وتسدد الرسوم المقررة.

ولو صاحب العداد متوفي والعقار اتنقل ليك عن طريق الورثة، هتحتاج موافقة الورثة أو صورة من إعلام الوراثة حسب الحالة.

والأهم.. هتوقع إقرار إنك ملتزم بسداد أي مستحقات مالية سابقة على العداد.

يعني قبل ما تنقل العداد باسمك.. راجع موقفه الأول واعرف كل المطلوب عشان متتفاجئش بعدين بأي التزامات.