خطك وقف فجأة؟.. 6 خطوات ترجع بيها الشبكة من غير ما تغير الشريحة

لو خطك وقف فجأة ومفيش شبكة.. متستعجلش وتروح تغير الشريحة!

في 6 خطوات بسيطة ممكن ترجع الخط يشتغل من جديد.

أول حاجة.. اعمل إعادة تشغيل للموبايل، لأن المشكلة ممكن تكون مجرد خلل مؤقت.

تاني خطوة.. اقفل الموبايل، أخرج الشريحة، نظفها برفق، ورجعها مكانها صح.

تالت خطوة.. جرب الشريحة في موبايل تاني، عشان تعرف المشكلة من الشريحة ولا من جهازك.

رابع خطوة.. شغّل وضع الطيران لمدة من 20 لـ30 ثانية، وبعدها اقفله، عشان الموبايل يعيد البحث عن الشبكة.

خامس خطوة.. ادخل على إعدادات شبكة المحمول واعمل بحث يدوي عن الشبكات، واختار شبكة الشركة التابع ليها خطك.

ولو كل ده منفعش.. هنا بقى سادس خطوة: كلم خدمة العملاء أو روح أقرب فرع، عشان تعرف سبب توقف الخط، وممكن يتم تشغيله أو استبداله لو فيه عطل.

يعني قبل ما تقول إن الشريحة باظت.. جرب الخطوات دي الأول.