عقدك خلص؟.. اعرف تعمل إيه عشان تفضل في شقة الإيجار التمليكي

لو إنت مستفيد من شقق الإيجار التمليكي.. ركز في النقطة دي، عشان انتهاء العقد مش معناه إنك لازم تسيب الشقة فورًا.

العقد في الطرح الجديد مدته 3 سنين، وقابل للتجديد لمدة مماثلة، لكن التجديد بيكون وفقًا لشروط وضوابط صندوق الإسكان الاجتماعي.

ولو عايز تفضل في الوحدة بعد انتهاء المدة الثانية، لازم تتقدم بطلب قبل انتهاء العقد بـ3 شهور على الأقل.

وساعتها عندك اختيارين.. إما تستمر في الإيجار وفقًا للقيمة السوقية، أو تتقدم للحصول على حق تملك الوحدة طبقًا للقواعد المعلنة.

ومن شروط التجديد إن سن المتقدم مايزدش عن 45 سنة، وإن قيمة الإيجار اللي بيدفعها ما تتعداش 25% من إجمالي دخله الشهري.

يعني متستناش لآخر لحظة.. لو عقدك قرب يخلص، اعرف شروطك وقدم في الموعد المحدد عشان تحافظ على حقك في الاستمرار أو التملك.