"بزيادة 20% للطيران".. تكاليف عمرة المولد النبوي تواجه قفزة جديدة في الأسعار
الأحد 09/أغسطس/2026 - 03:00 ص
لو كنت ناوي تعمل عمرة المولد النبوي السنة دي.. خد بالك من الأسعار.. أسعار رحلات العمرة بتشهد زيادات جديدة، بعد ارتفاع تكلفة تذاكر الطيران بنحو 20%، وده انعكس على أسعار برامج العمرة المطروحة للموسم الجديد.
وحاليًا أسعار البرامج بتختلف حسب مدة الرحلة ومستوى الفندق ونوع الغرفة.
وبحسب الأسعار المعلنة، البرامج بتبدأ من حوالي 45 ألف جنيه للغرفة الرباعية، وتوصل لـ 59 ألف و700 جنيه للغرفة الثنائية، مع اختلاف الأسعار حسب مستوى الخدمات والبرنامج.
وده معناه إن اختيار الفندق ونوع الغرفة وتوقيت السفر هيحددوا بشكل كبير المبلغ النهائي اللي هتدفعه.
ولو ناوي تحجز.. متستناش لآخر لحظة، وقارن بين البرامج كويس، واتأكد من تفاصيل السعر والخدمات اللي داخلة فيه قبل دفع مقدم الحجز.
