خطأ بسيط في المطبخ قد يشعل حريقًا داخل منزلك.. احذر هذه العادة

فاكر إن أخطر حاجة في الغاز هي التسريب بس؟.. الحقيقة إن فيه خطأ ناس كتير بتعمله كل يوم، وممكن يكون سبب في حريق داخل البيت.

الخطأ هو ترك البوتاجاز شغال من غير رقابة، أو الانشغال عنه لعدة دقائق، خاصة مع وجود زيوت أو أطعمة على النار.

لو اللهب انطفأ لأي سبب، الغاز هيستمر في الخروج، ومع أول شرارة ممكن تحصل كارثة.

وكمان فيه أخطاء تانية خطيرة، زي استخدام خراطيم أو وصلات غير مطابقة للمواصفات، أو تجاهل صيانة أجهزة الغاز، أو محاولة إصلاح أي عطل بنفسك بدل الاستعانة بفني متخصص. 

ولو شميت ريحة غاز.. ما تشغلش ولا تطفي أي مفتاح كهرباء، وما تستخدمش ولاعة أو كبريت.

افتح الشبابيك، اقفل مصدر الغاز، واخرج من المكان لو كانت الرائحة قوية، ثم اتصل بشركة الغاز.

دقيقة من الانتباه ممكن تحمي بيتك وأسرتك من حريق أو انفجار.. والسلامة دايمًا تبدأ بعادة صح.