بطاقتك التموينية اتوقفت؟.. اعرف خطوات التظلم واسترجاع الدعم

اتفاجئت إن بطاقتك التموينية اتوقفت؟ متقلقش.. لسه تقدر تقدم تظلم لو شايف إنك مستحق للدعم.

أول حاجة، اعرف سبب إيقاف البطاقة، سواء من رسالة الاستعلام أو من بون صرف الخبز والسلع التموينية. 

بعدها، حدث بياناتك من خلال منصة مصر الرقمية، واطبع استمارة التحديث. 
 

الخطوة اللي بعدها، تتوجه لمكتب التموين التابع ليك، وتقدم طلب تظلم مع كل المستندات اللي تثبت إنك تستحق الدعم، حسب سبب الإيقاف. 

بعد تقديم الطلب، مديرية التموين بتراجع المستندات، ولو ثبت إن الإيقاف كان بالخطأ، بيتم اتخاذ الإجراءات لإعادة تشغيل البطاقة وصرف الدعم مرة تانية. 

لو بطاقتك اتوقفت، متتأخرش في تقديم التظلم، وجهز أوراقك عشان تحافظ على حقك في الدعم.