التسجيل في تكافل وكرامة رجع يفتح.. اعرف الشروط والأوراق

 لو بتفكر تقدم في برنامج تكافل وكرامة، يبقى لازم تعرف الشروط والأوراق المطلوبة قبل ما تروح الوحدة الاجتماعية. 

وزارة التضامن قالت إن التقديم بيكون بصورة البطاقة السارية، وشهادات ميلاد الأولاد، ووثيقة الزواج أو الطلاق، ولو فيه مرض أو إعاقة لازم تقرير طبي معتمد. 

كمان هتحتاج بيان قيد دراسي للأبناء من 6 لـ18 سنة، أما الشروط، فأهمها إنك تكون مصري ومقيم في مصر، وماعندكش دخل ثابت أو أملاك زراعية أو عقارات، وكمان حضور الأولاد في المدرسة لازم يكون فوق 80%. 

ولو عايز تعرف موقف طلبك، تقدر تستعلم بالرقم القومي من موقع وزارة التضامن وهيظهرلك إذا كانت البطاقة سارية أو موقوفة وقيمة الدعم المستحق. 

وصرف المعاش بيتم من مكاتب البريد، وماكينات الـATM، والمحافظ الإلكترونية، وكروت ميزة.
ولو أوراقك كاملة ومستوفي الشروط، فرصتك في القبول بتكون أكبر، فراجع كل المستندات قبل التقديم عشان ماتضيعش وقتك.