5 حالات يمنع فيها القانون معاقبة العامل.. اعرف حقوقك

كتير من الموظفين أول ما مديرهم يقرر يخصم منهم أو يوقع عليهم جزاء، بيفتكروا إن القرار خلاص ومفيش نقاش.
لكن الحقيقة إن قانون العمل حدد حالات ما ينفعش فيها توقيع جزاء تأديبي على العامل.

أولًا.. ما ينفعش تتعاقب على مخالفة مش موجودة أصلًا في لائحة الجزاءات الخاصة بالشركة.

ثانيًا.. ما ينفعش يتوقع عليك أكتر من جزاء بسبب نفس المخالفة، يعني خصم وإنذار مع بعض لنفس الخطأ، القانون بيمنع ده.

ثالثًا.. لازم يتم التحقيق معاك وإبلاغك بالمخالفة قبل توقيع الجزاء، إلا في بعض المخالفات البسيطة اللي نظمها القانون بإجراءات محددة.

رابعًا.. لو المخالفة ملهاش علاقة بالشغل، أو حصلت خارج نطاق العمل ومش مرتبطة بوظيفتك، ما ينفعش تكون سبب في جزاء تأديبي.

وخامسًا.. القانون حدد مواعيد لإجراءات التأديب، وما ينفعش يتوقع عليك جزاء بعد مرور المدة القانونية من انتهاء التحقيق. 

علشان كده، قبل ما تقبل أي خصم أو جزاء، اعرف حقوقك الأول.. لأن القانون حط ضمانات تحمي العامل وصاحب العمل في نفس الوقت.