حول عدادك الكودي لقانوني وبدون تصالح.. بشرى سارة لأصحاب العقارات القديمة
لو معاك عداد كودي ونفسك تحوله لقانوني من غير ما تدفع مليم واحد في التصالح ولا تدوخ ورا رخصة البناء؟ الكلام ده بقى حقيقة وبقرار رسمي.
هندسة الكهرباء وضحت إن فيه حالات معينة من حقها تحويل العداد الكودي لقانوني فورا ومن غير ما تحتاج تقدم رخصة بناء أو نموذج تصالح على مخالفات البناء.
ولكن خليني اقولك أن الموضوع ده بيخص العقارات القديمة والمستقرة قانونيا وبالتحديد المباني اللي اتمشت قبل سنة 1975 بشرط إثبات أقدمية العقار ده بمستندات رسمية.
والتيسير ده معمول مخصوص للمباني القديمة اللي بيكون فيها عداد قانوني قديم باسم المالك أو الورثة وكان بيخدم المبنى كله قبل ما تتركب العدادات الكودية اللاحقة للأدوار أو الشقق عشان تفصل الاستهلاك وتنظم الأحمال بين السكان.
كل اللي محتاجه عشان تقنن وضعك وتستفيد من القرار هو تجهيز ورق رسمي يثبت تاريخ إنشاء المبنى زي شهادة كشف المشتملات أو العوائد من الضرائب العقارية، أو فواتير مرافق قديمة، مع صورة إيصال سداد العداد القديم وبطاقتك الشخصية وتتوجه لشركة الكهرباء، والمعاينة الفنية هتتأكد إن كل وحدة مستقلة والجميل إن الموضوع مش هيحتاج لتغيير جهاز العداد نفسه بل تعديل بياناته على النظام بس.
