غيرت شغلك أو اتجوزت؟.. اعرف الأوراق المطلوبة لتحديث بطاقتك

لو اتجوزت، أو غيرت شغلك، أو حصل أي تغيير في بياناتك، لازم تحدث بطاقة الرقم القومي.

بالنسبة للحالة الاجتماعية، هتحتاج أصل وثيقة الزواج أو الطلاق المميكنة.

ولو غيرت وظيفتك، لازم تقدم مستند يثبت المهنة الجديدة، زي خطاب من جهة العمل أو مستندات التأمينات، وفي بعض الحالات بيكون مطلوب أصل المؤهل الدراسي أو مستند معتمد حسب طبيعة الوظيفة.

والأحوال المدنية ممكن تطلب مستندات إضافية حسب كل حالة.

تحديث بيانات البطاقة مش مجرد إجراء روتيني، لكنه مهم علشان تضمن إن كل معاملاتك الحكومية والبنكية تتم من غير أي مشاكل أو تعطيل.