بتبدأ من 850 ألف.. افضل 5 عربيات مستعملة

لو عايز تشتري عربية عائلية شكلها شيك وكبيرة وسعرها على قد الايد..

فخليني اقولك أن سوق المستعمل بقى هو الحل الذكي والوجهة المثالية لكل اللي بيدور على عربية عائلية "SUV" عالية عن الأرض واعتمادية وبتجهيزات ممتازة بأسعار أقل بكتير من الموديلات الجديدة.

لو ميزانيتك بتبدأ من أول 850 ألف جنيه فالسوق فيه 5 خيارات مكسرين الدنيا وأثبتوا نفسهم بقوة.

أولهم الرينو كادجار الفرنساوي والشيري تيجو 7 الصينية ودول أسعارهم في المستعمل بتبدأ من 850 ألف جنيه وبتختلف حسب الموديل والحالة.

أما لو بتعشق الكوري وعايز مساحة وتصميم مميز فالتوسان والسبورتاج موديلات من 2017 لـ 2021 خيار مثالي وبيدوروا في رنج من مليون لحدود مليون و450 ألف جنيه.

أما الملكة في إعادة البيع وتوافر قطع الغيار فهي النيسان قشقاي الياباني وموديلاتها من 2018 لـ 2020 بتعمل من 900 ألف لمليون و200 ألف جنيه.

الخيارات دي كلها بتضمنلك الهيبة والارتفاع في الشوارع ومساحة الشنطة المحترمة من غير ما تدفع مبالغ فلكية في الزيرو.