قبل نزول فلوس يونيو.. تعمل إيه لو كارت تكافل وكرامة ضاع؟

لو إنت من مستفيدي تكافل وكرامة وكارت الصرف ضاع أو اتلف قبل صرف دعم شهر يونيو، لازم تتحرك بسرعة علشان ما تتعطلش مستحقاتك.

وزارة التضامن هتبدأ صرف دعم يونيو من يوم 15 يونيو، وعلشان تضمن استلام فلوسك لازم تبلغ فورًا عن فقدان الكارت.

أول خطوة هي الاتصال بالخط الساخن 19680 أو 19681 وطلب إيقاف الكارت واستخراج بدل فاقد.

بعد كده تقدر تتابع الإجراءات من خلال الوحدة الاجتماعية التابع ليها أو عبر الخدمات الإلكترونية الخاصة بوزارة التضامن.

كمان يفضل تتأكد من سلامة الكارت قبل موعد الصرف بأيام من خلال تجربة البطاقة على ماكينة ATM أو الاستعلام عن الرصيد، علشان تتجنب أي مشكلة وقت صرف الدعم.

ولو الكارت تالف أو مفقود، متستناش لحد يوم الصرف، لأن الزحام بيزيد جدًا وقت نزول المعاشات والدعم النقدي.

عشان كده لو الكارت مش معاك أو فيه مشكلة، ابدأ الإجراءات النهارده قبل ما فلوس يونيو تنزل.