من غير تعقيد ولا انتظار.. ازاي تحول فلوس من برا مصر بانستاباي؟
في خطوة سهلت على ناس كتير حوالين العالم، بقى تحويل الفلوس لمصر أسرع من أي وقت فات وبقى الموضوع كله يتم في دقائق من غير تعقيد ولا انتظار طويل
والنهارده تقدر تستقبل فلوسك من أي بلد في العالم بشكل لحظي تقريبًا عن طريق خدمات مرتبطة بـ«إنستا باي»، وده خلى التحويلات أسهل بكتير من الطرق التقليدية
الفكرة ببساطة إن الشخص اللي بره مصر بيروح للبنك بتاعه أو شركة التحويل اللي بيتعامل معاها، ويطلب خدمة تحويل فوري لمصر
بعدها بيحدد المبلغ اللي عايز يحوّله، سواء دولار أو أي عملة تانية، والنظام بيحوّله تلقائي للجنيه المصري.
وبعدين بيحدد وسيلة الاستلام في مصر، ودي ممكن تكون حساب بنكي، أو محفظة موبايل، أو رقم بطاقة بنكية حسب المتاح.
وفي الآخر، الفلوس بتوصل بشكل سريع جدًا للمستلم في مصر بالجنيه المصري مباشرة.
الميزة الكبيرة هنا إنك مش محتاج خطوات معقدة ولا انتظار أيام زي زمان كله بقى لحظي وأسهل بكتير.
