الحل السري للرفض.. خطة الإنقاذ لو اترفض طلبك في شقق الإسكان
إيه اللي ممكن تعملو لو قدمت على شقة في مشروعات الإسكان الاجتماعي وتم رفض طلبك؟ وهل ده معناه إن حلمك في امتلاك شقة العمر ضاع تماماً ولا لسه في فرصة تانية وتالتة لترتيب أوراقك والتقديم من جديد؟
وإيه هي الأسباب الحقيقية اللي بتخلي صندوق الإسكان الاجتماعي يرفض الطلبات؟ وازاي تقدر تقدم تظلم رسمي يقبل ويحل المشكلة في أسرع وقت؟
أبرز أسباب رفض طلبات الإسكان الاجتماعي بتنقسم لعدة محاور وأهمها هو المحور الائتماني حيث يتم رفض الطلب لو ثبت وجود ديون متعثرة على المتقدم أو وجود قروض غير مسددة بتقرير الشركة المصرية للاستعلام الائتماني الآي سكور أو لو كان المتقدم مستفيداً من مبادرة تمويل عقاري سابقة
والسبب التاني بيمثل تجاوز حدود الدخل المقررة في شروط الإعلان سواء بالزيادة أو النقصان أو عدم تقديم إثبات دخل واضح وموثق ده غير الأسباب الجغرافية زي إن المتقدم يكون شغال أو ساكن في محافظة تانية غير المطروح فيها الشقق بدون تقديم ما يثبت ارتباطه بالمكان.
وكمان وجود أخطاء في رفع المستندات أو عدم وضوح الصور المرفوعة على الموقع الإلكتروني خلال فترة التقديم
عشان تحل المشكلة دي وتبدأ خطوات التظلم لازم أولاً تتابع حالة طلبك على الموقع الإلكتروني للصندوق وتعرف سبب الرفض بالتحديد.
بمجرد فتح باب التظلمات للإعلان ودخولك على حسابك الشخصي وبتضغط على تقديم تظلم وبتجهز المستندات التصحيحية بناء على سبب الرفض.
فلو كان الرفض بسبب الدخل بتقدر تقدم مفردات مرتب جديدة متوافقة مع الشروط .
ولو كان السبب ائتماني بتروح البنك وتسدد المديونية وتجيب مخالصة رسمية وترفعها على الموقع.
اللجان المختصة بالصندوق بتقوم بفحص التظلمات ومراجعة الأوراق الجديدة وفي حال قبول التظلم بيتم تحويل ملفك فوراً لمرحلة الاستعلام الميداني واستكمال إجراءات التخصيص والتعاقد مع البنك دون أي خسارة لحقك في الشقة.
