لو الكارت اترفض.. خطوات سريعة تفك بيها كارت المعاش وترجع تصرف فلوسك من غير قلق
كارت المعاش وقف.. الساعات اللي فاتت ناس كتير بدأت تشتكي بعد ما راحت تصرف معاشها ولقيت مكنة الـ ATM بتقولك الكارت مرفوض.
لكن خليني اقولك أن هيئة التأمينات طلعت وضحت إن الموضوع ده بيحصل كتير ولأسباب بسيطة.. زي مثلا إن صلاحية الكارت انتهت أو محتاج تحديث بيانات أو كتبت الرقم السري غلط كذا مرة وممكن تكون مجرد زحمة على الشبكة أول الشهر وعشان تتأكد جرب مكنة تانية الأول لو نفس الرسالة ظهرت يبقى المشكلة من الكارت فعلا.
طيب والحل ايه؟ الحل بسيط.. كل اللي هتعمله هتروح لأقرب مكتب تأمينات تتابع ليه عشان الموظف يراجع بياناتك ويعرف سبب القفل ولو الكارت سليم ومافهاطوش حاجة هيتفعل في ثواني أما لو منتهي أو اتكسر هتشحن وتعمل بدل تالف أو فاقد ولو المشكلة في الرقم السري البنك أو البريد هيساعدك تعمل رقم جديد علطول وتقدر تصرف بالبطاقة مؤقتاً لو الكارت لسه بيطلع.
وعشان كارتك ما يقفش تاني خالص وتتجنب الموقف ده افتكر دايماً تبص على تاريخ الصلاحية المكتوب عليه وماتديش الرقم السري بتاعك لأي حد وحدث بياناتك ورقم موبايلك في مكتب التأمينات أول بأول.
