اخر تحذير لمنحة التموين.. الحق اصرف المنحة قبل ما تروح عليك
تخيل تروح تشتري سكر وزيت ومكرونة من التموين وتتفاجئ إن بطاقتك نازلها دعم إضافي يوصل لـ400 جنيه مرة واحدة!
الحكومة دلوقتي بتناشد المواطنين المستحقين بسرعة صرف منحة التموين 2026 قبل انتهاء المدة المحددة في اخر مايو خصوصًا بعد قرار مد الصرف لشهور إضافية عشان عدد أكبر من الأسر يقدر يستفيد من الدعم.
المنحة دي مخصصة للأسر الأولى بالرعاية، وبتتصرف على بطاقات التموين بجانب الدعم الشهري العادي، وبتوصل قيمة الدعم الإضافي لبعض البطاقات لـ400 جنيه، بإجمالي دعم ممكن يوصل لـ1600 جنيه على البطاقة الواحدة.
والميزة هنا إنك مش لازم تصرف المبلغ كله مرة واحدة، تقدر تاخد احتياجاتك تدريجي خلال الشهر من بدالي التموين أو منافذ جمعيتي والمجمعات الاستهلاكية المنتشرة في كل المحافظات.
أما السلع المتاحة فبتشمل أهم أساسيات البيت زي السكر والزيت والأرز والمكرونة، وكمان سلع غذائية تانية حسب احتياج كل أسرة.
طب تعرف إزاي إنك من المستحقين
لو وصلتك رسالة على الموبايل المسجل بالبطاقة، أو ظهرلك إشعار على بون صرف الخبز، يبقى أنت ضمن المستفيدين من المنحة. ولو مظهرش أي إشعار، ممكن تراجع منفذ التموين التابع ليك وتتأكد بنفسك.
والأهم إن آخر موعد لصرف المنحة بعد قرار المد هيكون نهاية مايو 2026، يعني اللي لسه ماصرفش الدعم الإضافي، قدامه فرصة يلحق قبل انتهاء المدة.
وفي ظل الغلاء الحالي، أي فرق في الأسعار أو دعم إضافي بقى مهم جدًا لبيوت كتير، عشان كده منحة التموين بقت واحدة من أكتر الحاجات اللي الناس بتدور عليها اليومين دول.
