3000 جنيه قبل العيد للفئة دي.. بشرة سارة من الحكومة للمصريين
الجمعة 22/مايو/2026 - 07:00 ص
في وقت ناس كتير مستنية أي دعم يساعدها قبل العيد، بدأت الحكومة رسميًا صرف منحة العمالة غير المنتظمة، لكن المفاجأة الحقيقية كانت في قيمة المبلغ.
المنحة المرة دي وصلت لـ3000 جنيه دفعة واحدة، وده لأنها بتجمع بين منحة عيد الأضحى والمنحة الاستثنائية اللي الرئيس السيسي كان أعلن عنها لدعم العمالة غير المنتظمة.
الصرف بدأ من مكاتب البريد في كل المحافظات، وهيستمر لمدة شهر كامل، والمستفيدين يقدروا يستلموا الفلوس باستخدام بطاقة الرقم القومي فقط.
ووزارة العمل أكدت إن أكتر من 255 ألف عامل مسجلين في قاعدة البيانات هيستفيدوا من الدعم ده، ضمن خطة الحماية الاجتماعية ومساندة الفئات الأكثر احتياجًا، خصوصًا مع زيادة الأعباء والأسعار قبل العيد.
