مصير الرغيف المدعم.. التموين تكشف مفاجأة عن نظام الدعم النقدي الجديد
لا مساس برغيف العيش.. كلنا بنسمع عن التحول من الدعم العيني للدعم النقدي، وأول حاجة بتيجي في بالنا.. يا ترى رغيف العيش والسلع التموينية مصيرهم إيه وهل هيتأثروا؟
وزير التموين قرر يقطع الشك باليقين ويوجه رسالة حاسمة لكل مواطن.. الدكتور شريف فاروق وزير التموين والتجارة الداخلية كشف إن الإجابة قولا واحداً: لا إلغاء للدعم والمواطن مش هتحمل أي أعباء إضافية في شراء السلع.
الفكرة كلها إن الوزارة عايزة تقفل الباب على المخابز والمطاحن والمنافذ اللي كانت بتستفيد من أموال الدعم من ورا المواطن، والتحول للدعم النقدي هدفه إن الفلوس تروح لصاحب الحق الحقيقي في إيده.
طيب إيه اللي هيتغير بالظبط في الطريقة؟
الوزير طمّن الناس وأكد إن كمية السلع والعيش اللي كنت بتاخدها زمان، هتاخد قيمتها فلوس تشتري بيها نفس الكميات بس بالسعر الحر، والميزة الأكبر هنا إنك مش هتكون مجبر على سلع معينة.. الدولة هتديك كامل الحرية تختار اللي بيتك محتاجه بالظبط.
