بتبدأ من 760 ألف جنيه.. أرخص 5 عربيات كروس أوفر في مصر
الأحد 17/مايو/2026 - 04:00 ص
لو نفسك تشتري عربية كروس اوفر زيرو بس ميزانيتك على القد.. ففيه ٥ اختيارات هم الأرخص في مايو الجاري.
أولهم جاك JS2 ودي أرخص واحدة وسعرها ٧٥٩ ألف جنيه بمحرك ١٥٠٠ سي سي وبينافسها بقوة جيلي GX3 برو اللي سعرها ٧٩٠ ألف جنيه وشكلها شبابي جدا.
أما لو عايز حاجة فرنساوي فعندك رينو كارديان الجديدة اللي بتبدأ من ٨٧٥ ألف جنيه وبمحرك تيربو موفر جداً في البنزين.
وعندنا كمان بايك X35 اللي سعرها ٩٠٠ ألف جنيه للفئة الأتوماتيك وآخرهم كايي X3 برو اللي بتبدأ من ٩١٠ ألف جنيه.
العربيات دي كلها بتديك ميزة الارتفاع عن الأرض عشان المطبات ومساحات كويسة تناسبك أنت وكل عيلتك.
