أسئلتك إجابتها عندنا| مبادرة البنك المركزي للتمويل العقاري 2021 | جهات التمويل العقاري
مبادرة البنك المركزي للتمويل العقاري 2021، يجيب موقع بانكير عن أهم الأسئلة الخاصة بالمبادرة بالإضافة إلى أهم جهات تمويل مبادرة التمويل العقاري 2021 .
. 1 - سؤال بيقول : محدود الدخل فى مصر ازاي يقدر يوفر مقدم 100 او 150 الف جنيه ؟ دة مبلغ كبير جدا , ايه الحل؟ . المقدم المطلوب من محدود الدخل اقل من كدة بكتير ودة هشرحه تحت.
مبادرة البنك المركزي للتمويل العقاري 2021
السؤال الصح : قدرتك علي السداد كام؟ يعني ازاي البنك بيحدد ان انت اخرك شقة سعرها كذة؟ .
ركز معايا فى الخطوات دي : . الخطوة الاولي : الحد الادني لراتب محدود الدخل . البنوك بتقول ان صافي دخلك الشهري لا يزيد عن 4400 جنيه بس مقالتش انه لازم يكون 4400 , يعني ممكن يبقي 4200 او 3500 عادي , المهم مينزلش تحت 2800 , ليه؟
عشان تحت المستوي دة مش هتقدر تدفع القسط بحده الادني فى مبادرة ال30 سنة , الحسابات دى انا اللى عملتها , هى حسبة رقمية بحتة تقدر تعملها لوحدك لو عندك معطيات كافية بتدخل بيانات بتطلعلك نتايج وشكرا. . يبقي المرتب لازم يكون بين 2800 - 4400 شهريا
لو انت فى النطاق دة يبقي انت فى نظر البنك قادر علي التقسيط ضمن التمويل العقاري علي 30 سنة , فئة محدودي الدخل .
الخطوة التانية : تطبيق معادلة الحد الاقصي الآمن للاقساط الشهرية . بناءا علي تحديد مستوي الدخل بنحدد اقصي قيمة للقسط الشهري.
ما ان البنك المركزي اعلن سابقا ان القسط مينفعش يعدي 40% من مرتبك من هنا قدرت احط الحد الادني 2800 جنيه شهريا راتب .
تعرف على شروط مبادرة البنك المركزي للتمويل العقاري 2021 | الاجراءات والأوراق المطلوبة
الخطوة التالتة : تحديد الحد الاقصي للوحدة السكنية . وفقا لرقم الدخل ونسبة القسط نقدر نحدد اقصي سعر للوحدة السكنية اللي تقدر تشتريها.
اقصي سعر للشقة = 350 الف جنيه وفقا لنائب محافظ البنك المركزي "جمال نجم" ممكن اقل لكن مينفعش اكتر لان انت اخرك 40% من دخلك اللى هو 2800 جنيه .
الآن.. كيفية التقديم في مبادرة التمويل العقاري| التمويل من المصرف المتحد
الخطوة الرابعة : تحديد المقدم . بناءا علي سعر الشقة نقدر دلوقتى نحدد المقدم قبل كدة كان المفروض المقدم = 20% اللى هما = 70 الف جنيه , صح؟ البنك المركزي هينزل بالمقدم لـ 15% اللى هما = 52 الف .
ازاي تاخد شقة من التمويل العقاري 2021| اعرف معانا خطوه بخطوه
طب افرض فيه حد مش معاه المبلغ دة؟ تقدر تدفع المقدم علي 3 سنين بدعم من صندوق الاسكان الاجتماعي .
الخطوة الاخيرة : تحديد القسط الشهري . يبقي بعد تسوية المقدم , هيتبقي عليك 298 الف جنيه قيمة التمويل البنكي القسط هيبقي 1200 جنيه / الشهر / 30 سنة / 3 بالمئة فائدة متناقصة .. الف مبروك . 2 - سؤال بيقول : اروح فين واجي منين ؟
مبادرة البنك المركزي للتمويل العقاري 2021 ، .عايز تعرف اهم جهات التمويل اضغط هنا
اقرأ أيضا:
