التمويل العقارى 2021| كل ماتريد معرفتة عن مبادرة البنك المركزى للتمويل العقارى لعام 2021
مبادرة التمويل العقارى الجديدة 2021 من المبادرات التى نالت اشادات على نطاق واسع حيث يمكن الحصول او الاستفادة من المبادرة بسعر فائدة 3% والسداد على 30 سنة ، وتاتى المبادرة التى اعلن عنها الرئيس عبدالفتاح السيسي ووجة البنك المركزى المصرى بتفعليها لتخفيف العبء على المواطن وضمان سكن ملائم لة ، وفى التقرير التالى يعرض موقع " بانكير " كافة تفاصيل مبادرة التمويل العقارى وطريقة حصول المواطن على شقة من خلال مبادرة التمويل العقارى الجديدة 2021 .
الشروط المطلوبة في المتقدم:
الدخل الشهري لفئة محدودي الدخل لازم يكون 4,500 جنيه مصري أو أقل.
الدخل الشهري لفئة متوسطي الدخل هو 10,000 جنيه مصري أو أقل.
مش لازم تكون موظف، ممكن تكون صاحب عمل حر.
ماتكونش استفدت قبل كده بأي مبادرة تمويل عقاري.
الـ i-score بتاعك يكون مظبوط.
يكون معاك 20% من تمن الوحدة السكنية اللي محتاجها.
الشروط المطلوبة في الشقة اللي هتختارها:
لو كنت من محدودي الدخل فـ عندك الامكانية تختار شقة سعرها في حدود 350,000 جنيه.
أما لو انت من متوسطي الدخل فـ عندك الامكانية تختار شقة سعرها في حدود مليون جنيه.
ماينفعش تستغل المبادرة في تمويل السكن السياحي، زي المصايف مثلاً.
لازم الوحدة السكنية تكون مسجلة، ومفيش عليها مخالفات.
كمان لازم تكون متشطبة وجاهزة للمعيشة.
لو انت اللى هتبيع الشقة اتأكد ان كل أوراق التسجيل جاهزة ومفيش على وحدتك أي مخالفات.
الأوراق المطلوبة للتقديم: لو موظف هتجيب:
صورة البطاقة
مفردات مرتب معتمدة من جهة العمل.
تعهد من جهة العمل بتحويل المرتب للبنك اللي هيمول الشقة.
كشف حساب بنكي لمدة 6 شهور.
لو متجوز جهز صورة قسيمة الجواز.
عقد تمليك أو ايجار المكان اللي ساكن فيه دلوقتي.
لو صاحب عمل حر هتجيب:
صورة البطاقة
شهادة من محاسب قانوني تحدد الدخل السنوي أو الشهري.
البطاقة الضريبية و مستخرج السجل التجاري.
لو متجوز جهز صورة قسيمة الجواز.
عقد إيجار أو تمليك المكان اللي ساكن فيه دلوقتي.
خطوات التقديم:
1- هتروح مقر صندوق الإسكان الاجتماعي وتقدم كل الملفات الخاصة بالوحدة عشان تتحمل على النظام الخاص بالصندوق.
2- بعد كده الصندوق هيبعت يستعلم عن الوحدة ومحل إقامتك وطبيعة عملك.
3- بعد الموافقة، الصندوق هيتواصل معاك عشان تعرف نظام الدفع وتستكمل البيانات.
4- هتروح البنك الخاص بيك عشان تمضي العقود الثلاثية، بحيث هيكون مالك الشقة طرف أول بائع وانت طرف تاني مشتري وجهة التمويل طرف تالت ممول للوحدة السكنية. ومبروك عليك الشقة!.
أٌقرأ ايضا
