صدمة لحجاج بيت الله الحرام الأسعار رايحة على فين

ايه اللي بيحصل في برامج الحج السنة دي وإيه هي لعبة الشركات ومين اللي بيحدد الأسعار وياترى هتوصل لكام.. لو ناوي على الحج السنة دي وربنا يكتبهالك شوف هذا  للأخر معانا.

ملايين المصريين بيحلمو يطلعوا الحج كل سنة لزيارة بيت الله الحرام، والوقوف بعرفات وعمل المناسك، لكن الظروف الاقتصادية اللي بيمر بيها اغلب الناس منعت ناس كتير من السفر، خصوصا ان اغلبنا اللي جاي مش مكفي اللي رايح.
الجهات المنظمة لمناسك الحج اعلنت عن اسعار باقات الحج للسنة دي، واللي وصل اقل سعر برنامج لما يقارب من 200 الف جنيه، وفي الظروف اللي احنا موجدين فيها دلوقتي الرقم ده صعب علي اي موطن عادي تحقيقه الا بطلوع الروح، وحاليا اغلبنا بيعيش يجمع القرش علي القرش بالسنين علي ما ربنا يكتب له رحلة السفر لعمل مناسك الحج.
وزارة السياحة والأثار واحدة من الجهات اللي بتنظم برامج الحج وهو الحج السياحي واللي وصل عدد التاشيرات المخصصة للوزارة الي 23 ألف تأشيرة حج للسفر، قسمتهم الوزارة لـ4 آلاف تأشيرة للسياحى خمس نجوم و13 ألف تأشيرة لبرامج السياحي الاقتصادي طيران، و 6 آلاف تأشيرة للسياحى البري.
طيب اسعار برامج الحج السياحي وصلت لكام؟.
الضوابط المنظمة للحج السياحي حددت اسعار برامج الحج السياحي وفقا للمستوي اللي المواطن هيسافر عليه، يعني المستوي البري غير الاقتصادي والإقتصادي غير البري وكمان السعر جه وفقا لبعد الفندق اللي هيسكن فيه الحجاج عن الحرم، يعني البعيد مش زي القريب، ووصل سعر البرنامج 5 نجوم صف أول مباشر على الحرم وحتى 250 متر بسعر 450 ألف جنيه، وبرنامج 5 نجوم صف ثان من 250 متر إلى 1250 متر  بسعر 390 ألف جنيه، وسعر البرنامج الاقتصادي طيران موسم كامل مكة بفنادق وحتى 1750 متر بسعر 260 ألف جنيه، و وسعر البرنامج الاقتصادي طيران اقتصادي تحسين 5 نجوم حتى 250 متر بسعر 230 ألف جنيه، و وسعر البرنامج الاقتصادي طيران تحسين 4 أو 5 نجوم من بعد مسافة 250 متر وحتى 750 متر بسعر 226 ألف جنيه، ووصل سعر البرنامج البري موسم كامل مكة بفنادق وحتى 1750 متر بسعر 225 ألف جنيه، وسعر البرنامج البري تحسين 5 نجوم حتى 250 متر بسعر 195 ألف جنيه، وسعر البرنامج البري تحسين 4 أو 5 نجوم من بعد مسافة 250 متر وحتى 750 متر بسعر 191 ألف جنيه.
طيب اية الزيادات الجديدة اللي هتحصل في اسعار برامج الحج؟.
اللجنة الفنية للحج اعتمدت زيادة 35 الف جنيه علي كل مستويات الحج السياحي للمستوي البري ودي الخاصة برسوم تذاكر السفر علي الاتوبيسات والعبارات من ميناء العقبة مرورا بالأردن ولحد الوصول الي السعودية والعودة من هناك، ده غير ان في زيادات تانية هتحصل في اسعار برامج الحج الاقتصادي ومستوي 5 نجوم والخاصة برسوم تذاكر الطيران واللي متوقع ان تبدا من 30 الف جنيه برضوا، ودي هتختلف من واحد للتاني بسبب مواعيد السفر والعودة ودرجة السفر اللي هيجز عليها الحجاج .