لو بتحلم بعربية.. أعلى 3 بنوك بتقدم قروض لشراء العربيات في مصر
لو بتحلم بعربية تقضي بيها مشاوريك وترحمك من بهدلة المواصلات والنقل العام، وتروح بلبسك نظيف وترجع نظيف، وتوفر فلوس المواصلات اللي كل يوم بتزيد بسبب زيارة اسعار البنزين والسولار خصوصا بعد الارقام الرهيبة اللي وصلت ليها اسعار العربيات عندنا هنا في مصر.. لو عايز تعرف الحل لكل المشاكل دي وتشتري عربية من غير ما تحوش ولا جنية شوف الفيديو ده للأخر.
حلم انك تشتري عربية في الوقت الحالي بقي حلم المنال ده ان كان مش متسحيل، وكلنا عندنا احلام لكن العين بصيرة والايد قصيرة، وقليل مننا جدا اللي يقدر ولو بشق الانفس ان يتشتري عربية حتي لو مستعملة او بالقسط، بس انا هقول علي البنوك اللي بتقدم قروض للمواطنين اللي عندهم رغبة يتشروا عربيات ويحققوا حلم حياتهم ويترحموا من بهدلة المواصلات.
البداية هتكون معانا النهادرة من البنك الأهلي المصري واللي اعلن عن تقديم قروض لشراء العربيات لاي مواطن وبدون اي ضامن وبتمويل بيوصل لـ 1.5 مليون جنيه للموظفين، و3 مليون جنيه لأصحاب الأعمال والمهن الحرة، والتمويل بيوصل لـ 100% من ثمن العربية وبفترة سداد مختلفة من سنة لـ 7 سنين وبسعر عائد تنافسي، وبشرط يكون الحد الأدني لصافي الدخل الشهري يبدأ من 1500 جنيه، ويكون عمر المتقدن للحصول علي القرض ميقلش عن 21 سنة، وميكونش يزيد عن 60 سنة في نهاية فترة سداد القرض ده بالنسبة للموظفين، اما اصحاب الأعمال والمهن الحرة، فالبنك اشترط ان يكون عمر المقترض ميقلش عن 25 سنة، وميزدتش عن 65 سنة في نهاية فترة القرض .
ومن البنك الأهلي المصري بنروح معاكم لبنك التعمير والإسكان واللي اعلن عن منح قروض لشراء العربيات وبقيمة تمويل توصل لـ 1.5 مليون جنيه، وبتميل 100% من قيمة العربية وكمان من غير ضامن وبسعر عائد تنافسي ومرونة في فترة السداد تتراوح بين 6 الي 84 شهراً بما يعادل 7 سنين.
ومن بنك التعمير والإسكان بنروح معاكم لبنك قناة السويس واللي اعلن عن تقدي قروض لشراء العربيات بتمويل بيوصل لـ3 مليون جنيه وبسعر فايدة تنافسي وفترة سداد هتوصل لـ 10 سنوات، وكمان قدم بوليصة تأمين على الحياة صالحة خلال فترة التمويل.
